बँका ह्या जनतेच्या आर्थिक जीवनाशी निगडित असल्याने बँकेचे व्यवहार व धोरण हे नेहमी लोकाभिमुख असणे गरजेचे आहे हे लक्षात घेवून या बँकेचे संचालक व व्यवस्थापन नेहमीच कार्यरत राहिले. कर्जवाटप करतांना सभासदांचे हित, उद्योग/ व्यवसायाची गरज, उत्पादक उद्योगाला प्राधान्य, राष्ट्रीय विकासाभिमुख धोरण ठेवले. शहरातील यंत्रमाग व्यवसायाचा/ उद्योगाचा अभ्यास केला,गरज विचारात घेतली, ती नियमांच्या चौकटीत बसवली व तदनुसार आर्थिक सहाय्य उपलब्ध करुन दिले, त्यामुळे यंत्रमाग व त्यांचे पूरक उद्योग निर्माण झाले. मजुरीचे काम करणारे यंत्रमागधारक, उत्पादक कारखानदार झाले. स्वतःच्या पायावर व्यवसाय उभा करण्याचे सामर्थ्य या बँकेने सभासदांना उपलब्ध करुन दिले. कर्तृत्ववान हाताला आर्थिक पाठबळ देवून त्यांना व्यवसायात स्थिर केले. समाजात त्यांची पत वाढवली. इचलकरंजी शहरातील बँकिंग क्षेत्रात या बँकेने सर्व प्रथम १९६३ साली हुंडी व्यवसाय सुरु करुन व्यापारी बंधुना अर्थसहाय्य उपलब्ध करुन दिले. जनता बँक ही जनमाणसांच्या हिताकरिता कसोशीने प्रयत्न करीत आहे हे दृष्य ज्यावेळी शहरातील जनतेपुढे आले त्यावेळी उत्स्फुर्तपणे जनतेने जनता बँकेला साथ दिली, बँकेवर विश्वास दाखविला. जिव्हाळा दिला. या विश्वास व श्रध्देवरच जनता बँक दिवसें दिवस वाढत राहिली. अधिक अधिक लोकांना सहभागी करुन घेवू शकली व लोकांच्या गरजा पूर्ण करु शकली, त्यामुळे जनता बँक ही केवळ सहकारी बँक न राहता जनतेची जिव्हाळ्याची, विश्वासाची,श्रध्देची बँक म्हणून पुढे आली. एक विचार, एकमेकातील सहकार्य व त्यामुळे सर्वांचा उद्धार या न्यायाने व बँकेबद्दल आत्मियतेने सर्व सभासदांनी सलग ५ वर्षे त्यांना मिळणांरा डिव्हिडंड न घेता तो इमारत फंडास वर्ग करण्याचा निर्णय घेवून तो अंमलात आणला. या सक्रिय सहकार्यतेमुळेच इचलकरंजी शहरात आमच्या बँकेची स्वतःची "जनता बँक भवन " ही पाच मजली भव्य वास्तु शहराच्या वैभावाची साक्ष व सहकारी भावनेचे मूर्तिमंत प्रतिक म्हणून उभी आहे. Howइचलकरंजी, कोल्हापुर,जयसिंगपुर, गांधीनगर, मुंबई, पुणे, गडहिंग्लज, सांगली, कराड, औरंगाबाद मुख्याने अर्थपुर्वठा केला जातो.बँकेने आपले कर्ज वाटपाचे धोरण आखतांना उत्पादकांना, कुटिरोद्योगांना व दुर्बल घटकांना प्राधान्यपूर्वक कर्ज वाटप केले आहे. त्यामुळे अग्रक्रम क्षेत्राकरीता ठरवून दिलेल्या कर्ज वाटपाचा कोटा आम्ही केंव्हाच पूर्ण केला आहे.

तसेच किमान व्याज आकारणी करीत असल्याने सभासदांना आपोआपच योग्य मोबदल्यात कर्ज उपलब्ध झाल्याने त्यांच्या उत्पादनात भरच पडत आहे व ते स्वावलंबी होत आहेत. बँकेच्या एकूण कर्ज पुरवठ्यापैकी ८२%कर्ज वाटप हे उत्पादक व व्यापार या कारणासाठी दिलेले आहे.