चेअरमनपदाचा कार्यभार सांभाळत असतांना दादांनी बँकेची प्रगती, विकास आणि वृद्धी यासाठी अविश्रांत परिश्रम घेतले आणि त्यांच्या दुरगामी विचारांमुळेच अगदी सुरुवातीपासून बँकेबद्दल जनमानसात विश्वासाचे अतूट नाते निर्माण झाले आहे व “माणसांच्या मनांना विणणारी बँक” म्हणून नावारुपास आली. त्यांनी ग्राहकांना अद्ययावत सेवा सुविधा प्राप्त करून देणेसाठी घेतलेल्या ध्यासामुळे अल्पावधीतच बँक लोकाभिमुख झाली. सध्या बँकेने सर्वच क्षेत्रात जी उतुंग भरारी व प्रगती केलेली आहे, ती त्यांनी आजपर्यंत घेतलेल्या अविरत परिश्रमाचे व अनमोल मार्गदर्शनाचे फलित आहे.